എന്റെ ബ്ലോഗിനെ പ്രോത്സാഹിപ്പിച്ച എനിക്ക് ആശംസകള്‍ അര്‍പ്പിച്ച എല്ലാ നല്ലവരായ സുഹൃത്തുക്കള്‍ക്കും ഒരിക്കല്‍ക്കൂടി ഹൃദയത്തിന്റെ ഭാഷയില്‍ നന്ദി പറഞ്ഞു കൊണ്ട് ഞാനെന്‍റെ രണ്ടാമത്തെ പോസ്ടിലെക്ക് കടക്കുന്നു...... എന്താണ് എഴുതേണ്ടത് എന്ന് ഒരു പിടിയുമില്ല. തല്ക്കാലം ഇന്ന് ഞാന്‍ എനിക്കും എന്റെ സുഹൃത്തുക്കള്‍ക്കും ഇവിടെ ഈജിപ്തില്‍ ചാറ്റിങ് മൂലമുണ്ടായ ചില അനുഭവങ്ങള്‍ പങ്കു വക്കാം. നിങ്ങളെ ബോറടിപ്പിക്കില്ല എന്നാ വിശ്വാസത്തോടെ.......... അല്ലെങ്കില്‍ ഇത് വായിച്ചിട്ട് നിങ്ങളുടെ അഭിപ്രായങ്ങള്‍ / തെറികള്‍ ആണെങ്കില്‍ അതും പ്രതീക്ഷിച്ചു കൊണ്ട്........
 |
| ചാറ്റിങ് വിളയാട്ട് |
ഞങ്ങള്‍ മൂന്നു പേര്‍ ഒരേ ദിവസം ജോലിക്ക് പ്രവേഷിച്ചവര്‍, അതിലുപരി ഒരേ മുറിയില്‍ അന്തി ഉറങ്ങുന്നവരും. അതുകൊണ്ട് തന്നെ ഞങ്ങളുടെ സൗഹൃതവും പെട്ടെന്ന് ദ്രിഢമയി. ഒഴിവു സമയം ചിലവഴിക്കാന്‍ ആകെയുള്ളത് ഇന്റെനെറ്റ് മാത്രം. പക്ഷെ അന്നതുപയോഗിക്കാന്‍ ഞങ്ങള്ക്ക് ലാപ്ടോപ്പോ കമ്പ്യൂട്ടറോ ഇല്ലായിരുന്നു , നാട്ടിലേക്ക് നെറ്റ് വഴി വിളിക്കാന്‍ ആദ്യ ശമ്പളത്തില്‍ വാങ്ങിയ 3G മൊബൈല്‍ അതായിരുന്നു എല്ലാവരുടെയും ആശ്വാസം. അങ്ങനെയിരിക്കെ പുറത്തു വെച്ച് കണ്ടു മുട്ടിയ മറ്റൊരു സുഹൃത്ത്‌ ഞങ്ങളെ നിംബസ്സിനെ [Nimbuzz!] പരിജയപ്പെടുത്തി. ["Nimbuzz! അടുക്കും തോറും അകലുന്ന ഒരു മഹാ സാഗരം"] അത് ഉപയോഗിച്ച് തുടങ്ങിയതോടെ ഞങ്ങള്‍ തമ്മില്‍ ഉണ്ടായിരുന്ന പരസ്പര സംഭാഷണങ്ങള്‍ കുറഞ്ഞു തുടങ്ങി, എല്ലാവരും ചാറ്റ് റൂമിലെ പെണ്‍കുട്ടികളെ തിരയുന്ന തിരക്കിലാണ് അത് തന്നെ കാരണം പിന്നെ പിന്നെ ഒരാള്‍ക്ക് മറ്റേയാളുടെ മേല്‍ അസൂയയും കുശുമ്പും എല്ലാം വന്നു തുടങ്ങി. കാരണം ഇതായിരുന്നു മറ്റുള്ളവര്‍ പെണ്‍കുട്ടികളുമായി ചാറ്റ് ചെയ്യുബോഴുണ്ടാകുന്ന അരിശം. ദിവസങ്ങള്‍ മുന്നോട്ട് നീങ്ങി കൈ വിരലുകള്‍ മാത്രം സംസാരിച്ചു തുടങ്ങി, ഞങ്ങള്‍ തമ്മില്‍ സംസാരിക്കുന്ന സമയം ഭക്ഷണം കഴിക്കുമ്പോള്‍ മാത്രമായിരുന്നു നിര്ഭാഗ്യമെന്നോ ഭാഗ്യമെന്നോ പറയാം അവിടെ സിഗ്നല്‍ കിട്ടില്ലായിരുന്നു, ഒരു പക്ഷെ അവിടെയും സിഗ്നല്‍ ഉണ്ടായിരുന്നങ്കില്‍ ഒരു കൈ ഭക്ഷണത്തിനും മറു കൈ ചാറ്റിങ്ങിനും ആയി മാറിയേനെ, അവിടെയും സംസാരം ഇതിനെ പറ്റി തന്നെയായിരുന്നു, ഓരോരുത്തരും അവരവരുടെ ഗേള്‍ഫ്രണ്ടിനെ പറ്റി വാതോരാതെ സംസാരിക്കും മറ്റുള്ളവര്‍ മനസ്സിലുള്ള അസൂയയെയും സങ്കടത്തെയും നിരാശയെയും ഉള്ളിലൊതുക്കി തലയാട്ടി ചിരിക്കും പിന്നെ നിരാശയോടെ ചില കമന്‍റും അടിക്കും,
അങ്ങനെ ഒരു ദിവസം ഒരുവനു ഒരു പുതിയ പെണ്‍ സുഹൃത്തിനെ കിട്ടി. അതും ഒരു മലയാളി യുവതി, അന്ന് അവന്‍ ഉറക്കമില്ലാത്ത രാത്രിയായിരുന്നു. പിന്നീടങ്ങോട്ട് അവനെ ഭക്ഷണം പോലും കഴിക്കാന്‍ കിട്ടില്ലായിരുന്നു, ഞങ്ങള്‍ രണ്ടു പേരും ഒരുപോലെ അവന്റെ മേല്‍ അസൂയ പൂണ്ടു. കിട്ടാത്ത മുന്തിരി പുളിക്കും എന്നാണല്ലോ.... ഈ മുന്തിരി ഞങ്ങള്ക്ക് ഒരുപാടു പുളിയുള്ളതയിരുന്നു. അതുകൊണ്ട് തന്നെ ആ id യിലേക്ക്‌ ഞങ്ങളും അയച്ചു ഒരു അപേക്ഷ. പക്ഷെ അത് നിരസിക്കപ്പെടുകയും മറ്റൊരു പേരില്‍ ഇങ്ങോട്ട് ഒരു അപേക്ഷ വരുകയും ചെയ്തപ്പോള്‍ ഇത് അവളല്ല എന്നും അവനാണെന്നും ഞങ്ങള്ക്ക് മനസ്സിലായി അവള്‍ കാര്യങ്ങളെല്ലാം ഞങ്ങളോട് പറയുകയും ചെയ്തു അതായത്‌ ഞാനൊരു ആണാണെന്നും ഒരു തമാശക്ക് ഞങ്ങളുടെ സുഹൃതുമായ്‌ ചാറ്റി തുടങ്ങിയതാണെന്നും എന്നാല്‍ അവന്‍ ഗൌരവമായി എടുക്കുകയും ചെയ്തു എന്നും ഇപ്പോള്‍ അഗാധമായ പ്രണയത്തിലനെന്നും ഒക്കെ. ഇതവനോട് പറയരുതെന്നും പറഞ്ഞു. അത് കേട്ടപ്പോള്‍ ഞങ്ങള്‍ക്കെന്തോ സ്വര്‍ഗം കിട്ടിയ പോലെയായിരുന്നു, സന്തോഷം കൊണ്ട് ഇരിക്കാനും നിക്കാനും വയ്യാതായി. എന്തായാലും ഇതങ്ങനെ തന്നെ പോകട്ടെ എന്ന് ഞങ്ങളും കരുതി, അങ്ങനെ ആ അഞ്ജാതന്‍ അവനുമായി കാമുഖിയായും ഞങ്ങളോട് സുഹൃത്തായും ചാറ്റി തുടങ്ങി. ഇതിനിടയില്‍ അവര്‍ തമ്മില്‍ മധു വിധു വരെ ചാറ്റിങ്ങിലൂടെ നടത്തിയിട്ടുണ്ട് എന്ന് കേട്ടപ്പോള്‍ ചിരിയും സങ്കടവും എന്തൊക്കെയോ തോന്നി.
സംഗതി ഇത്രക്കായപ്പോള്‍ അവന്‍ [സുഹൃത്തിന്റെ കമുഖി] എന്തോ ചില നുണകള്‍ പറഞ്ഞു അവനുമായുള്ള ചാറ്റിങ് അവസാനിപ്പ്പിച്ചു. അതിനു ശേഷം അവന്‍ ഒരു വല്ലാത്ത അവസ്ഥയിലായിരുന്നു... ഒരു തരം അണ്ടി പോയ അണ്ണനെപ്പോലെ.... കാര്യങ്ങളെല്ലാം അവനോടു തുറന്നു പറയണമെന്നുണ്ടായിരുന്നു, പക്ഷെ അതവനെ കൂടുതല്‍ ദുഃഖതിലക്കുമെന്നു കരുതി പറഞ്ഞില്ല, അതിലുപരി ഞങ്ങളോടുള്ള അവന്റെ മനോഭാവം മാറുമോ എന്നുള്ള ഭയവും ഉണ്ടായിരുന്നു. എന്തായാലും അതിനു ശേഷം അവനും ഇങ്ങനെയുള്ള അബന്ധങ്ങള്‍ സംഭവിക്കാം അല്ലെങ്കില്‍ സംഭാവിചിട്ടുണ്ടാകാം എന്നുള്ള തിരിച്ചറിവോടെ ഞങ്ങളും രാപകലുള്ള നിംബസ്‌ [Nimbuzz!] ഉപയോഗം ഒന്ന് കുറച്ചു എന്ന് തന്നെ പറയാം.
ഇപ്പോള്‍ അവന്‍ ഇവിടെയില്ല ജോലി ഉപേക്ഷിച്ചു നാട്ടില്‍ [തമിഴ്‌നാട്] പോയി ഒരു കട ഒക്കെ തുറന്നു പെണ്ണന്വേഷിച്ചു നടക്കുന്നു. അവനു മലയാളം വായിക്കാന്‍ അറിയില്ല എന്ന ഒരൊറ്റ ധൈര്യത്തിലാണ് ഞാനിതിവിടെ എഴുതിയത്. ഇനി നാട്ടില്‍ പോയിട്ട് വേണം ഇതെല്ലം അവനോട് പറയാന്‍ ഇങ്ങനെ ഒരു ബ്ലോഗ്‌ എഴിതിയതിനെ കുറിച്ചും. അതിനു സര്‍വേശ്വരന്‍ അനുഗ്രഹിക്കട്ടെ എന്ന പ്രാര്‍ത്ഥനയോടെ...............
2 അഭിപ്രായങ്ങൾ:
ഒരു പ്രവാസിക്ക് സംഭവിക്കുന്ന സ്ഥിരം അമളികള്‍ നന്നായെഴുതി.
താങ്ക്സ് ടാ മുത്തേ.. :) :) :)
ഒരു അഭിപ്രായം പോസ്റ്റ് ചെയ്യൂ