വിനോദയാത്ര......

                             ഇന്ന് ഞാന്‍ നിങ്ങളെ ഒരു ചെറിയ വിനോദത്രക്ക് കൂട്ടിക്കൊണ്ട് പോകാന്‍ ഒരു ശ്രമം നടത്തുകയാണ് എല്ലാവരും സഹകരിക്കുക.....

 ഷാര്‍മ് അല്‍ ഷെയ്ഖ്‌  

      "ഷാര്‍മ് അല്‍ ഷെയ്ഖ്‌  "       [ sharm-el-sheikh ]...........             ചരിത്ര പ്രസിന്ധമായ  സിനായ് മലകളുടെ താഴ്വാരം, മനോഹരമായ ചെങ്കടലിന്‍റെ തീരം, ഈജിപ്തിലെ ഒരു പ്രധാന വിനോദ സഞ്ചാര കേന്ദ്രം. അഞ്ചു മിനിറ്റിന്‍റെ ഇടവേളകളില്‍ ലോകത്തിന്‍റെ നാനാഭാഗങ്ങളില്‍ നിന്നും വിമാനങ്ങള്‍ വന്നു കൊണ്ടേയിരിക്കും ചുരുക്കി പറഞ്ഞാല്‍ നമ്മുടെ  നാട്ടില്‍ സിറ്റി ബസ്സുകള്‍ വരുന്നതിലും കുറഞ്ഞ സമയ ദൈര്‍ഘ്യത്തില്‍. ഇപ്പോള്‍ നിങ്ങള്‍ ചിന്തിക്കുന്നുണ്ടാകും ഇതിനു മാത്രം എന്ത് കോപ്പാണവിടെയുള്ളത് എന്ന്. ഇവിടെ വന്നു ഇതൊക്കെ കണ്ടപ്പോള്‍ എനിക്കു മാത്രമല്ല എന്‍റെ സുഹൃത്തുക്കള്‍ക്കും ഇതേ ചോദ്യം മനസ്സില്‍ വന്നതാണ്‌. പണം ഒരുപാട് കയ്യില്‍ ഉണ്ടാകുമ്പോള്‍ അതൊഴിക്കി കളയാന്‍ പുതിയ പുതിയ സ്ഥലങ്ങളെ തേടുന്നവര്‍ക്ക്‌ അല്ലെങ്കില്‍ വിനോദ സഞ്ചാരം ഒരു ജീവിതാഭിലാശമക്കിയവര്‍ക്ക് വേണ്ടി വര്‍ഷങ്ങള്‍ക്ക്‌ മുമ്പ് ഈജിപ്ത് കേട്ടിപ്പടുത്തതാണീ സ്ഥലം. ഒരു ഭാഗത്ത് ചരിതം ഉറങ്ങുന്ന സിനായ് മലകള്‍ മറുഭാഗത്ത്‌ കണ്ണാടിയെ പോലും തോല്പിക്കുന്ന ഇളം നീല നിറത്തില്‍ ശബ്ദമുണ്ടാക്കാതെ വളരെ ലോലമായി തിരയടിക്കുന്ന ചെങ്കടല്‍ ഇതിനു നടുവില്‍ അഭംഗിയോടെ ചരല്‍ മണലുകള്‍ നിറഞ്ഞ ഒരു പ്രദേശം അതിനെ ഒന്ന് പച്ച പിടിപ്പിച്ചാലോ എന്ന് വര്‍ഷങ്ങള്‍ക്കു മുംബ് ഏതോ ഒരു ഈജിപ്തുകാരന്‍ ചിന്തിച്ചതിന്‍റെ ഫലമാണ് ഇന്നത്തെ "ഷാര്‍മ് അല്‍ ഷെയ്ഖ്‌"....

                                     അങ്ങനെ കെട്ടിപ്പടുത്ത ഈ സ്ഥലം ഇപ്പോള്‍ വളരെ മനോഹരമായിരിക്കുന്നു,  ഈജിപ്തിലെ മറ്റു പല പ്രദേശങ്ങളിലെയും [തലസ്ഥാനമായ കെയ്റോ അടക്കം] പാതകളെ അമ്പരിപ്പിക്കുന്ന തരത്തില്‍, അറേബ്യന്‍ നാടുകളിലെ മിന്നുന്ന പാതകളോട് കിട പിടിക്കുന്ന നിരത്തുകള്‍. നടുവിലായി നമ്മളെ നോക്കി പുഞ്ചിരിക്കുന്ന മനോഹരമായ പുഷപ്ങ്ങളും പച്ചപ്പുല്ലുകളും അവക്ക്‌ തണലായി ഇടക്കിടെ ഈന്തപ്പനകളും  രണ്ടു വശങ്ങളിലുമായി ഒന്നിനോട് ഒന്ന് ഉമ്മ വെക്കും വിധം റിസോര്‍ട്ടുകളും ഹോട്ടലുകളും ഇടക്ക് ചില ചെറിയ നടപ്പാതകള്‍ ഷോപ്പിംഗ്‌ മാളുകള്‍, ഈജിപ്തിന്‍റെ പൈതൃകമായ നൃത്തങ്ങളുടെയും അറേബ്യന്‍ ബെല്ലി ഡാന്‍സിന്‍റെയും അകമ്പടിയോടെ ഉള്ള റെസ്റ്റോറന്‍റുകള്‍,  നമ്മളെ മാടി വിളിക്കുന്ന തുള്ളിച്ചാടി കുടിക്കാവുന്ന കള്ള് ഷാപ്പുകള്‍ [dance pubb], വിശ്വാസികള്‍ക്കായി മസ്ജിദുകളും, ചര്ച്ചുകളും. ഇതെല്ലാം വിദേശികള്‍ക്കായി അണി നിരക്കുമ്പോള്‍ ഇവിടെ ജോലി ചെയ്യുന്നവര്‍ക്കായി ഒരു ചന്തയും ഉണ്ട് ഇവിടെ, അതിനെ പേരിട്ടിരിക്കുന്നത് തന്നെ ഓള്‍ഡ്‌ മാര്‍ക്കറ്റ്‌ എന്നാണ്. ഇതും വിദേശികള്‍ക്ക് കൌതുകമുണര്തുന്ന രീതിയില്‍ തന്നെയാണുള്ളത്.

 



ചെങ്കടല്‍



                                                ഇനി നമുക്ക്‌ ചെങ്കടലിലേക്ക് ഒന്ന് ഇറങ്ങി നോക്കാം, പേരിനോട് നീതി പുലര്‍ത്താതെ ഇളം നീല നിറത്തില്‍ കണ്ണെത്താ ദൂരത്തേക്ക് വ്യാപിച്ചു കിടക്കുന്ന മനോഹരമായ കടല്‍. തീരങ്ങളില്‍  ഇരിക്കാനും കിടക്കാനും ഒക്കെ ഒരിക്കിയിരിക്കുന്ന കസേരകള്‍ അതിനു മുകളില്‍ നമ്മള്‍ മലയാളികള്‍ക്ക് നാണം തോന്നും വിധം അല്‍പവസ്ത്രത്തില്‍ നിരന്നു കിടക്കുന്ന വിദേശികള്‍  തണലേകാന്‍ വിവിധ വര്‍ണങ്ങളിലുള്ള കുടകള്‍. അവര്‍ക്ക് ചുറ്റും ഭക്ഷണങ്ങളും പാനീയങ്ങളുമായി ഹോട്ടല്‍ ജീവനക്കാര്‍. ഇവിടെ എന്നെ അത്ഭുതപ്പെടുത്തിയത്‌ കടലില്‍ ആദ്യ കാല്‍ വക്കുമ്പോള്‍ തന്നെ നമ്മുടെ കണ്ണുകളെ  കോരിത്തരിപ്പിക്കുന്ന

 വിധത്തില്‍  വര്‍ണ്ണമത്സ്യങ്ങള്‍ നമുക്ക് ചുറ്റും ഓടിക്കളിക്കും എന്നതാണ്. കുറച്ചകലെ സ്പീഡ്‌ ബോട്ടുകളിലും പരചൂട്ടുകളിലും ഒക്കെ ഉല്ലസിക്കുന്ന ആളുകള്‍, വലിയ ബോട്ടുകളില്‍ നിന്ന് ഒരു കൂട്ടം ആളുകള്‍ പിന്നില്‍ ഓക്സിജന്‍ സിലണ്ടര്‍ എല്ലാം വച്ച് കെട്ടി കടലിലേക്ക് എടുത്തു ചാടുന്നത് കാണാം, കടലിന്റെ ആഴങ്ങളില്‍ ചെന്ന് അവിടുത്തുകാരോടൊത്ത് സല്ലപിക്കാന്‍ പോകുന്നവരാണവര്‍......

                                           ഇങ്ങനെയൊക്കെയാണെങ്കിലും കഴിഞ്ഞ വര്ഷം  "ഷാര്‍മ് അല്‍ ഷെയ്ഖിനെ" കിടുകിടാ വിറപ്പിച്ച ഒരു സംഭവമുണ്ടായി, എന്താണന്നല്ലേ സ്രാവ് വേട്ട അതായിരുന്നു സംഭവം. ഇത് കേട്ടു ഇവിടുത്തുകാര്‍ ഒരു കൂട്ടം സ്രാവിനെ വേട്ടയാടി എന്നാണ് കരുതിയതെന്കില്‍ തെറ്റി. നേരെ തിരിച്ചായിരുന്നു സംഭവം കടലില്‍ രോഷാകുലനായ ഒന്നോ ഒന്നില്‍ കൂടുതലോ സ്രാവുകള്‍ പാതിനഞ്ചോളം വിദേശികളുടെ ജീവനെയാണ് പലയിടത്ത് നിന്നായി  കൊണ്ട് പോയത്. ഒരു നിമിഷം അവര്‍ക്ക് വേണ്ടി നമുക്ക്‌ പ്രാര്‍ത്ഥിക്കാം. ഇതോടെ കടലിലേക്കുള്ള പ്രവേശനം താല്‍കാലികമായി നിര്‍ത്തി വച്ചു. വാര്‍ത്ത ലോകമെമ്പാടും പരന്നു വിദേശികളുടെ വരവ് കുറഞ്ഞു. കടലിലും തീരത്തും വിധഗ്തര്‍ കാവലിരുന്നു, ഏതാണ്ട് ഒന്നര മാസത്തോളം ഇത് തുടര്‍ന്നു. ഇതിനിടയില്‍ മൂന്നോ നാലോ സ്രാവിനെ ഇവര്‍ പിടികൂടിയതായി വാര്‍ത്ത വന്നു, പക്ഷെ അത് തന്നെയാണോ അപകടകാരികള്‍ എന്ന് ആര്‍ക്കും അറിയില്ല, ഇതെങ്ങനെ സംഭവിച്ചു എന്നുള്ള ചോദ്യത്തിന് ഇവിടുത്തുകാര്‍ നല്‍കിയ മറുപടി പലതായിരുന്നു. അബന്ധത്തില്‍ തീരത്തിനടുത്തെത്തിയ സ്രാവ് ഒരാളെ ആക്രമിക്കുകയും ശേഷം രുചിയറിഞ്ഞ സ്രാവ് പലയിടങ്ങളിലായി അക്രമം നടത്തുകയായിരുന്നു എന്ന് ഒരു കൂട്ടര്‍, മറ്റു ചിലര്‍ പറയുന്നു ഞങ്ങളെ തകര്‍ക്കാന്‍ വേണ്ടി ഇസ്രായേല്‍ കരുതിക്കൂട്ടി പുറത്തുവിട്ട സ്രാവായിരുന്നു എന്ന്, ഇനിയൊരു വാദം ഇതായിരുന്നു കടലില്‍ ആരോ കശാപ്പ് ശാലയിലെ അവശിഷ്ടം ഉപേക്ഷിച്ചതിനെ തുടര്‍ന്നു സ്രാവ് വരികയും മനുഷ്യനെ കണ്ടപ്പോള്‍ ആക്രമിക്കുകയായിരുന്നു എന്നുമാണ്. സ്രാവ് കുളിസീന്‍ കാണാന്‍ വന്നതാണെന്ന് ഭാഗ്യത്തിന് ആരും പറഞ്ഞില്ല എന്നാശ്വസിക്കാം. എന്ത് തന്നെയായാലും ഇതോടെ ഇവിടം നിശ്ചലമായി തുടങ്ങിയിരുന്നു, ഓടി നടന്നു ജോലി ചെയ്തിരുന്ന ഹോട്ടല്‍ ജീവനക്കാരെല്ലാം വെറുതെയിരുന്നു ബോറടിച്ചു തുടങ്ങി, ചില സ്ഥലങ്ങളില്‍ ജീവനക്കാര്‍ക്ക് ദീര്‍ഘകാല അവധികള്‍ വരെ കൊടുത്തു തുടങ്ങി. അങ്ങനെ ഈ സംഭവമൊന്നു കെട്ടടങ്ങും മുമ്പ് ഈജിപ്ത് ഒന്നടങ്കം പ്രക്ശോഭാത്തിലെക്ക് പോയതോടെ വീണ്ടും ഇവിടം നിശ്ചലമായി തുടങ്ങി.

 

                                               എന്തൊക്കെയായാലും ഇപ്പൊ അതെല്ലാം ഒന്ന് ഒതുങ്ങി പച്ചപിടിച്ചു തുടങ്ങിയിരിക്കുന്നു വീണ്ടും. ഇനിയിതങ്ങോട്ടു ഇങ്ങനെ തന്നെ പോകട്ടെ എന്ന് ആശംസിച്ചു കൊണ്ട്...............





 അതോടൊപ്പം തന്നെ നമ്മുടെ സുന്ദര കേരളം പുതിയ എമേര്‍ജിംഗ് കേരളയുമായി മുന്നോട്ട് പോകുമ്പോള്‍ അതില്‍ കള്ളവും ചതിയുമില്ലാതെ നമ്മുടെ സ്വപ്നങ്ങളെ തകര്‍ക്കാതെ ചരിത്രങ്ങള്‍ ആവര്‍ത്തിക്കാതെ ഇത് വിജയിക്കുമോ എന്ന ഒരു ജിജ്ഞാസയോടെ, പ്രത്യാശയോടെ നമുക്ക്‌ കാത്തിരിക്കാം................